ՀՐԱՊԱՐԱԿԱՅԻՆ ՕՖԵՐՏԱՅԻ ՊԱՅՄԱՆԱԳԻՐ

​​ԱՊՐԱՆՔՆԵՐԻ ԱՌՈՒՎԱՃԱՌՔԻ ՎԵՐԱԲԵՐՅԱԼ

ՍԱՀՄԱՆՈՒՄՆԵՐ

Պայմանագրում, ինչպես նաև դրան կից Հավելվածներում օգտագործվող բառներն ու արտատհայտություններն ունեն ստորև նշված իմաստը, բացառությամբ այն դեպքերի, երբ Պայմանագրի բովանդակությնունից բխում է այլ բան։

«Օֆերտա»՝ Վաճառողի կողմից ՀՀ քաղաքացիական օրենսգրքի 453-րդ հոդվածի պահանջներին համապատասխան անձանց անորոշ շրջանակին հասցեագրված առաջարկների հրավեր։

«Պայմանագիր»՝ Վաճառողի կողմից Օֆերտայի՝ ամբողջ ծավալով և անվերապահորեն ընդունման միջոցով Գնորդի և Վաճառողի միջև կնքված սույն համաձայնությունը, դրան կից հավելվածները, դրա վերաբերյալ կնքված համաձայնագրերը, փոփոխությունները և լրացումները, որոնք պարունակում են Օֆերտայով նախատեսված և/կամ Վաճառողի կողմից սահմանված այլ պայմաններ ապրանքերի առուվաճառքի վերաբերյալ։

«Ակցեպտ»՝ Գնորդի կողմից ամբողջ ծավալով և անվերապահորեն Օֆերտայի (այդ թվում` ապրանքների համար առաջարկվող գների) ընդունումը՝ Օֆերտայով նախատեսված համապատասխան գործողությունների իրականացման միջոցով։ Ակցեպտ կարող է իրականացվել, մասնավորապես՝

ինտերնետ կայքում գրանցվելիս «Ծանոթացել եմ և համաձայն եմ» դաշտի լրացման և հաստատման միջոցով․

ապրանք(ներ)ի ընտրությամբ և պատվերի ձևակերպմամբ․

համապատասխան գումարի վճարմամբ․

ինչպես նար ցանկացած այլ գործողություն, որը ակնհայտորեն վկայում է Գնորդի համաձայնության մասին Օֆերտայի պայմաններին։

«Վաճառող»՝ «ԷՅ ԷՍ ԲԻ ՍԻ» սահմանափակ պատասխանատվությամբ ընկերությունը, ապրանք/ապրանքատեսակներ վաճառողը։

«Գնորդ»՝ իրավաբանական անձ կամ ֆիզիկական անձ, որը Վաճառողի հետ Օֆերտայի պայմանների ակցեպտավորմամբ կնքում է Պայմանագիրը կայքում հրապարակված գնացուցակի/գների հիման վրա ձեռք է բերում ապրանքներ։

«Կայք»՝ Վաճառողին պատկանող համացանցում տեղեկայված կայքէջերի համալիր՝ https://www.ispace.am հասցեում գտնվող մեկնարկային կայքէջ, որի միջոցով կարելի է մուտք գործել բոլոր կայքէջեր, ծանոթանալ ապրաքների առկա տեսականուն, դրանց համար նախատեսված վաճառքի գներին։ Կայքում ներկայացված են գնման համար Վաճառողի կողմից առաջարկվող ապրանքները, ինչպես նաև դրանց դիմաց վճարման գործիքների հնարավոր տարբերակները։

«Ապրանք»՝ Վաճառողին սեփականության իրավունքով պատկանող ապրանքատեսականին, որը ներկայացված է ինտերնետային կայքէջերում։

«Գին»՝ Վաճառողի կողմից միակողմանիորեն հաստատված, փոփոխված և լրացված փաստաթուղթ և/կամ տվյալ, որը նախատեսված է Վաճառողին պատկանող ապրանքների համար, որպես վաճառքի գին։ Ապրանքատեսականու համար նախատեսված գները, ինչպես նաև դրա հետագա փոփոխությունները, զեղչերը, նոր գները և ակցիաները տեղադրվում են Կայքում և հրապարակային են կայքն օգտագործողների համար։ Գնի վերաբերյալ յուրաքանչյուր փոփոխություն հաստատվում է «ԷՅ ԷՍ ԲԻ ՍԻ» ՍՊԸ գործադիր ղեկավարի որոշմամբ։

«Պատվեր»՝ Ապրանքների ձեռքբերման և Գնորդի նշած հասցեով դրանց առաքման նպատակով ձևակերպված հայտ։

«Օգտագործող»՝ Ինտերնետային կայքէջում գրանցված Գնորդը, որի տվյալներով կայքում ստեղծվում է համապատասխան Հաշիվ և նույնականացում անցնելուց հետո Օգտագործողը իրականացնում է կայքէջի լիարժեք օգտագործումն ու կառավարումը։ Գրանցում և նույնականացում անցնելուց հետո Գնորդի և/կամ Օգտագործողի ներկայացրած տվյալների, մասնավորապես՝ էլեկտրոնային փաստի հասցեի, հեռախոսահամարի կամ այլ տվյալների հիման վրա վերջինիս տրամադրվում է մուտքանուն, որի ստեղծված գաղտնաբառի կիրառմամբ իրականացվելու է մուտքը Կայք և Օգտագործողի հաշիվ։

«Նույնականացում»՝ Գնորդի և/կամ Օգտագործողի կողմից Կայք մուտք գործելու թույլտվության իրավաչափության գնահատման ընթացակարգ, որը իրականացվում է էլեկտրոնային գրանցման միջոցով՝ կիրառելով համապատասխան մուտքանուն և գաղտնաբառ։

«Անձնական տվյալներ»՝ Կայքի օգտագործման արդյունքում ֆիզիկական անձանց վերաբերյալ ստացված տեղեկատվություն, որը թույլ է տալիս կամ կարող է թույլ տալ ուղղակի կամ անուղղակի կերպով նույնականացնել տվյալ անձի ինքնությունը։ Այդ տվյալները ենթակա են մշակման՝ ավտոմատացված, տեխնիկական միջոցների կիրառմամբ, որը կապված է անձնական տվյալները հավաքելու կամ ամրագրելու կամ մուտքագրելու կամ համակարգելու կամ պահպանելու կամ օգտագործելու կամ վերափոխելու կամ վերականգնելու կամ փոխանցելու կամ ողղելու կամ ուղեփակելու կամ ոչնչացնելու կամ այլ գործողություններ կատարելու հետ։

Սույն Պայմանագրում կարող են կիրառվել այլ արտահայտություններ, որոնց նշանակությունը սահմանված չէ Պայմանագրի՝ «Սահմանումներ» բաժնում, որի պարագայում այդ արտահայտությունների մեկնաբանությունը իրականացվում է Պայմանագրի բովանդակությանը և էությանը համապատասխան։

ԸՆԴՀԱՆՈՒՐ ԴՐՈՒՅԹՆԵՐ

2․1․ Սույն Հրապարակային օֆերտան պարունակում է Ապրանքների վաճառքի նպատակով Գնորդների կողմից պատվերների ձևակերպման և գրանցման համար բոլոր էական պայմանները։

2․2․ Հիմք ընդունելով ՀՀ Քաղաքացիական օրենսգրքի 453-րդ հոդվածի 2-րդ մասը՝ սույն Պայմանագրով նախատեսված պայմանների ընդունման և Կայքում Պատվերների ձևակերպման դեպքում, ֆիզիկական անձը և/կամ իրավաբանական անձը համարվում է Հրապարակային օֆերտան ակցեպտավորած, և ձեռք է բերում Գնորդի կարգավիճակ, ինչը հավասարազոր է օֆերտայում նշված պայմաններով պայմանագրի կնքման, իսկ Վաճառողն ու Գնորդը միասին որակվում են որպես առուվաճառքի պայմանագրի կողմեր։

2․3․ Կայքի միջոցով ապրանքներ պատվիրելիս, Գնորդը ծանոթանում է ապրանքների վաճառքի ստորև շարադրված պայմաններին, ինչպես նաև վաճառքի քաղաքականությանը, իսկ Վաճառողը հավաստիացնում է, որ Գնորդին հասանելի տեղեկատվությունը ապրանքի վերաբերյալ ամբողջական և հավաստի է, ներառյալ սպառվող ապրանքների վերաբերյալ հիմնական տեղեկատվությունը։

2․4․ Օֆերտայի գործողության ժամկետը սահմանափակված չէ, եթե հակառակը նշված չէ Կայքում։

ՊԱՅՄԱՆԱԳՐԻ ԱՌԱՐԿԱՆ

3.1. Սույն հրապարակային օֆերտայի պայմանագրի առարկան է հանդիսանում Վաճառողի կողմից Գնորդին օֆերտայի պայմաններով և կայքում նշված գներով Ապրանքների վաճառքը, ինչպես նաև Գնորդի կողմից տվյալ ապրանքների դիմաց վճարման կատարումը և դրանց պատշաճ կարգով ընդունումը։

3․2․ Վաճառվող ապրանքները, դրանց քանակը, տեսակները, բնութագրիչները, գները, ինչպես նաև առաքման պայմանները սահմանվում են Վաճառողի կողմից՝ կայքում հրապարակելու միջոցով, որոնց ընդունումը Գնորդի կողմից համարվում է սույն պայմանագրի ակցեպտ։

3․3․ Սույն պայմանագրի շրջանակներում Գնորդը ստանում է ձեռք բերած/գնած ապրանքների նկատմամբ սեփականության իրավունքը դրանց ստացման և վերջիններիս համար ամբողջական վճարման գնի վճարման պահից։

3․4․ Վաճառողն իրավունք ունի փոփոխելու Ապրանքների առաքման արժեքները, սույն Հրապարակային օֆերտայի պայմանները՝ առանց Գնորդի համաձայնության՝ միևնույն ժամանակ ապահովելով փոփոխված պայմանների հրապարակումն ինտերնետային «iSpace» կայքէջում:

3.5. Վաճառողը երաշխավորում է, որ վաճառվող ապրանքներն ազատ են երրորդ անձանց իրավունքներից, չունեն թերություններ և համապատասխանում են ՀՀ օրենսդրությամբ և/կամ տեխնիկական կանոնակարգերով սահմանաված ապրանքների պահանջներին։

ՊԱՅՄԱՆԱԳՐԻ ԸՆԴՈՒՆՈՒՄԸ (ԱԿՑԵՊՏ)

4․1․ Սույն Հրապարակային օֆերտային 3․1․ կետի համաձայն օֆերտան համարվում է ակցեպտավորված հետևյալ գործողություններից որևի մեկի կատարմամբ, այդ թվում՝ միաժամանակյա համակացությամբ՝ ա) Կայքում օգտատիրոջ գրանցում, բ) Հրապարակային օֆերտայի և Վաճառողի գաղտնիության քաղաքականության պայմանների համաձայնության կամահայտնություն, գ) առցանց հարթակում՝ Կայքում, պատվերի ձևակերպում և դրա դիմաց վճարում։

4․2․ Օգտատերը (Գնորդը), տրամադրելով իր էլեկտրոնային փոստի հասցեն և հեռախոսահամարը, հավաստում է և արտահայտում իր գիտակցված համաձայնությունը Վաճառողի, ինչպես նաև վերջինիս կողմից ներգրավված երրորդ անձանց կողմից նշված կապի միջոցների օգտագործմամբ Գնորդի հետ հաղորդակցություն իրականացնելու համար: Հաղորդակցությունը կարող է ներառել տեղեկատվություն՝

Վաճառողի կողմից ստանձնած պարտավորությունների կատարման ընթացքի, այդ թվում՝ պատվերի առաքման և փոխանցման վերաբերյալ,

Վաճառողի գովազդային, տեղեկատվական և շուկայավարման բնույթի գործողությունների, ներառյալ՝ զեղչերի, ակցիաների, սպասվող միջոցառումների և այլ փաթեթային առաջարկների վերաբերյալ:

ԱՊՐԱՆՔԻ ԱՌԱՔՈՒՄԸ

5․1․ Գնորդի կողմից հայտով ձևակերպված պատվերները Վաճառողի կողմից առաքվում են համաձայն նախապես համաձայնեցված կարգի։

5․2․ Վաճառողը պարտավորվում է ապահովել ապրանքների որակը և փաթեթավորումը՝ սահմանաված կանոններին և նորմերին համապատասխան։

5․3․ Գնորդի կողմից ապրանքը փաստացի ստանալու պահից ապրանքի հետ կապված բոլոր ռիսկերը, այդ թվում՝ սեփականության իրավունքը, անցնում է իրեն։

5․4․ Վաճառողը պարտավորվում է Գնորդին փոխանցել ապրանքը Վաճառող ընկերությունում գործող առաքման ծառայության եղանակներից մեկով՝ որի վերաբերյալ ամբողջական տեղեկատվությունը հասանելի է www.ispace.am կայքում:

5.5. Ապրանքի առաքման վայրը նշվում է Գնորդի կողմից՝ Պատվերը ձևակերպելիս ինտերնետ-կայքի համապատասխան բաժնում։

5․6․ Ապրանքը Վաճառողի անունից հանդես եկող առաքիչի կողմից փոխանցվում է անձամբ Գնորդին և/կամ այն անձին, ով Գնորդի բացակայության դեպքում իրավասու է ստանալու ապրանքը Գնորդի անունից։

5․7․ Ապրանքի վերաբերյալ անհրաժեշտ տեղեկատվությունը տրամադրվում է Գնորդին՝ ապրանքին կցված տեխնիկական փաստաթղթերում, ապրանքանիշերի վրա, պիտակավորման միջոցով կամ տվյալ ապրանքատեսակի համար ընդունված այլ եղանակներով։

5․8․ Ապրանքի վերադարձի, փոխանակման, ինչպես նաև վճարված գումարի վերադարձի հնարավորությունը և ընթացակարգը սահմանված են www.ispace.am կայքի «Վերադարձ և փոխհատուցում» բաժնում տեղադրված պայմաններով։

ԱՊՐԱՆՔԻ ԳԻՆԸ ԵՎ ՎՃԱՐՄԱՆ ԿԱՐԳԸ

6․1․ Ապրանքի վաճառքի գինը սահմանվում է Վաճառողի կողմից և ներկայացվում է ինտերնետային կայքէջում։

6․2․ Օգտատիրոջ կողմից համապատասխան պատվեր հայտը ձևակերպելուց հետո, վերջինս պարտավորվում է կատարել ապրանքների դիմաց համապատասխան վճարումը՝ ընտրելով առաջարկվող վճարման եղանակներից որևէ մեկը։

6․3․ Գնորդը կրում է պատասխանատվություն և պարտավորվում է ապահովել վճարային տվյալների ճշգրտությունը։

6․4․ Վաճառողը ապրանքի առաքման արժեքի վերաբերյալ տեղեկատվությունը տրամադրում է www.ispace.am կայքի համապատասխան բաժնում հրապարակված ձևով, կամ անմիջապես հաղորդում է Գնորդին՝ պատվերի ձևակերպման ընթացքում օպերատորի կողմից հեռախոսային կամ էլեկտրոնային հաղորդակցությամբ: Գնորդի կողմից վճարման պարտավորությունը համարվում է կատարված այն պահից, երբ վճարման ենթակա ամբողջական գումարը (100%) մուտքագրվում է Վաճառողին պատկանող բանկային հաշվին:

Գնորդի և Վաճառողի միջև բոլոր վճարային գործառնությունները կատարվում են www.ispace.am կայքի «Վճարում» բաժնում սահմանված կարգով:

6․5․ Պատվերը ձևակերպվելուց հետո Գնորդի կողմից 1 (մեկ) աշխատանքային օրվա ընթացքում վճարումը չիրականացվելու պարագայում պատվերները Վաճառողի կողմից ենթակա են չեղարկման։

ՊԱՏՎԵՐԻ ՁԵՎԱԿԵՐՊՈՒՄ

7․1․ Գնորդի կողմից ապրանքի պատվերը կարող է ձևակերպվել հեռախոսային զանգի միջոցով կամ Վաճառողի ինտերնետ-կայքի՝ համապատասխան բաժին մուտք գործելու միջոցով։ Կայքում գրանցվելիս Գնորդը պարտավորվում է տրամադրել հետևյալ գրանցման տվյալները, այդ թվում պատվերը հեռախոսազանգի միջոցով կատարելու դեպքում.

7․1․1.Գնորդի կամ նրա կողմից նշանակված ստացողի ազգանունը, անունը և հայրանունը,

7․1․2․ առաքման հասցեն,

7․1․3․ էլեկտրոնային փոստի հասցեն,

7․1․4․ կոնտակտային հեռախոսահամարը։

7․2․ Գնորդի կողմից ընտրված ապրանքի վերաբերյալ տեղեկատվությունը՝ ապրանքի անվանումը, քանակը, տեսականին, արտադրանքի կոդը (արտիկուլը), ընդհանուր արժեքը, ինչպես նաև առաքման արժեքը (որը կախված է առաքման վայրից՝ վարչատարածքային միավոր կամ մարզ), ցուցադրվում է Գնորդի զամբյուղում՝ Օգտատիրոջ համապատասխան բաժնում։

7․3․ Եթե առաքման համար անհրաժեշտ տվյալների բացակայությունը կարող է խոչընդոտել պատվերի պատշաճ առաքմանը, Վաճառողը կարող է գրավոր (էլ. փոստի կամ հաղորդագրության միջոցով) դիմել Գնորդին՝ պահանջելով լրացուցիչ տեղեկություն։ Եթե Գնորդը չտրամադրի պահանջված տվյալները, Վաճառողը պատասխանատվություն չի կրում բացառապես այն խնդիրների համար, որոնք անմիջականորեն պայմանավորված են այդ տվյալների բացակայությամբ։

7․4․ Վաճառողը իրավասու է մերժել պատվերի իրականացումը, եթե Գնորդի կողմից տրամադրված տվյալները չեն համապատասխանում սույն պայմանագրի պահանջներին կամ չեն թույլ տալիս լիարժեք կերպով իրականացնել առաքումը։

7․5․ Կայքի միջոցով պատվեր կատարելիս՝ Գնորդը լրացնում է համապատասխան էլեկտրոնային պատվերի ձևը և ուղարկում Վաճառողին՝ սեղմելով «Ձևակերպել պատվերը» կոճակը, ինչը համարվում է Հրապարակային օֆերտայի պայմանագրի ընդունման և կնքման պահ:

7․6․ Սույն պայմանագրի 7․5 կետով նախատեսված գործողության կատարումից հետո Վաճառողը կապ է հաստատում Գնորդի հետ՝ հստակեցնելու պատվերի համար էական նշանակություն ունեցող և պայմանագրով սահմանաված պայմանները, իսկ այն դեպքերում, երբ ապրանքն առկա չէ կամ առկա չէ անհրաժեշտ քանակով, Վաճառողը տեղեկացնում է այդ մասին Գնորդին, վերջինիս կողմից պատվերի շարունակման կամ չեղարկման նպատակով։

ԱՊՐԱՆՔԻ ՎԵՐԱԴԱՐՁ ԵՎ ՓՈԽՀԱՏՈՒՑՈՒՄ

8․1. Ապրանքի վերադարձի պայմանները․

8․1․1․ Գնորդը իրավունք ունի հրաժարվել ձեռք բերված ապրանքից և վերադարձնել այն Վաճառողին՝ ստանալով փոխհատուցում օրենքով սահմանված կարգով։

8.1.2. Վերադարձը կարող է իրականացվել միայն ապրանքի չօգտագործված, առևտրային տեսքի պահպանված, գործարանային փաթեթավորմաբ, պիտակների և ուղեկցող փաստաթղթերի պահպանված վիճակում։

8․2․ Ապրանքի վերադարձի ժամկետները․

8․2․1․ Գնորդը իրավունք ունի վերադարձնել ապրանքը՝ այն ստանալուց հետո 14 (տասնչորս) օրացուցային օրվա ընթացքում, բացառությամբ ՀՀ օրենսդրությամբ նախատեսված դեպքերի, երբ ապրանքը ենթա չէ վերադարձման, իսկ սահմանված ժամկետում արտադրական կամ որակական թերություն հայտնաբերելու դեպքում անհապաղ տեղեկացնել Վաճառողին։

8․3 Փոխհատուցման կարգը․

8․3․1․ Վաճառողը պարտավորվում է վերադարձված ապրանքի դիմաց Գնորդի վճարած գումարը վերադարձնել ոչ ուշ քան 14 (տասնչորս) աշխատանքային օրվա ընթացքում՝ վերադարձված ապրանքը ստանալու և դրա համապատասխանությունը վերոնշյալ պայմաններին հաստատելու պահից։

8․3․2․ Գումարի վերադարձը իրականացվում է այն նույն վճարային եղանակով, որով Գնորդը կատարել է վճարումը, եթե կողմերը նախապես ձեռք չեն բերել այլ համաձայնություն։

8․3․3․ Ապրանքի վերադարձի կամ փոխարինման հետ կապված փոխադրամիջոցների և այլ առաջացող ուղեկցող ծախսերը կրում է Գնորդը, բացառությամբ այն դեպքերի, երբ վերադարձի պատճառը հանդիսանում է Վաճառողի մեղքով առաջացած թերությունը կամ որակի չապահովումը։

8․3․4․ Այն դեպքերում, երբ պատվերը ձևակերպելու և վճարումը կատարելուց հետո պարզվում է, որ տվյալ ապրանքը չի կարող մատակարարվել (այդ թվում՝ ապրանքի սպառված լինելու, մատակարարման անհնարինության կամ այլ օբյեկտիվ պատճառների հետևանքով), ապա Գնորդի կողմից վճարված գումարը ենթակա է վերադարձման վերջինիս՝ ոչ ուշ քան 14 (տասնչորս) աշխատանքային օրվա ընթացքում։

8․4․ Վաճառողը իրավունք ունի մերժել ապրանքի վերադարձի կամ փոխհատուցման պահանջը, եթե վերադարձը չի համապատասխանում օրենսդրությամբ և պայմանագրով սահմանված պայմաններին, այդ թվում՝ եթե ապրանքը կորցրել է իր առևտրային տեսքը, օգտագործվել է, վնասվել է Գնորդի կողմից կամ Գնորդը չի ներկայացրել վերադարձի համար անհրաժեշտ և լիարժեք փաստաթղթերը կամ ապացույցները։

ԿՈՂՄԵՐԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ

9․1․ Վաճառողը իրավունք ունի՝

9․1․1․ իրականացնել ապրանքների վաճառք առցանց հարթակի միջոցով՝ սահմանելով ապրանքային տեսականի, գներ, վճարման եղանակներ, առաքման պայմաններ և վաճառքի այլ մանրամասներ՝ իր հայեցողությամբ, առանց նախազգուշացման փոփոխել այդ պայմանները։

9․1․2․ հրաժարվել պատվերի ընդունումից կամ չեղարկել այն՝ եթե Գնորդը տրամադրել է սխալ կամ կեղծ տվյալներ, խախտել է օֆերտայի պայմանները, առկա են տեխնիկական խնդիրներ կամ վճարումը չի հաստատվել սահմանված կարգով և ժամկետներում։

9․1․3․ հատուկ առաջարկներ, զեղչեր և ակցիաներ կիրառել կամ դադարեցնել՝ ըստ ներքին քաղաքականության՝ առանց հավելյալ ծանուցման, եթե այդպիսի պայմանները չեն վերաբերում արդեն ձևավորված պարտավորություններին։

9․1․4․ սահմանել պատվերի մշակման, առաքման և վճարումների իրականացման ժամանակացույցը, ինչպես նաև փոփոխել այդ ժամկետները՝ տեխնիկական, կազմակերպչական կամ արտակարգ իրավիճակների դեպքում՝ պարտավորվելով Գնորդին նախապես և ժամանակին տեղեկացնել այդ փոփոխությունների մասին։

9․1․5․ պայմանագրով նախատեսված ծառայությունների մատուցման գործընթացում ներգրավելու երրորդ անձանց՝ շարունակելով լիարժեք պատասխանատվություն կրել Գնորդի առջև մատուցվող ծառայությունների որակի և պայմանագրային պարտավորությունների կատարման համար։

9․1․6․ պայմանագրի գործողության ողջ ընթացքում առաջացած հարցերի կապակցությամբ Գնորդից պահանջել և ստանալ անհրաժեշտ պարզաբանումներ և լրացուցիչ տեղեկատվություն՝ պայմանագրի պատշաճ կատարման նպատակով։

9․1․7․ հրաժարվել պատվիրած ապրանքների առաքումից և դրանց փոխանցումից Գնորդին, ինչպես նաև միակողմանիորեն լուծել պայմանագիրը՝ այն դեպքերում, երբ Գնորդը չի կատարում իր պարտավորությունները, մասնավորապես՝ պատվերի դիմաց վճարման պարտավորությունը։

9․1․8․ վերահսկել և վերլուծել կայքի օգտագործման պայմաններն ու վիճակագրությունը՝ ներառյալ Գնորդների ակտիվությունը, նպատակ ունենալով՝ բարելավելու սպասարկման որակը և օպտիմալացնելու ապրանքների համար ներկայացվող առաջարկները։

9․1․9․ ստեղծել, օգտագործել և հրապարակայնորեն տարածել իր կողմից մշակված և ստեղծագործական ջանքերի արդյունքում ձևավորված բովանդակությունը, ներառյալ՝ ապրանքների լուսանկարները, նկարագրությունները, տեխնիկական բնութագրերը և հարակից տեղեկատվությունը՝ սահմանելով դրանց օգտագործման կանոններ: Այդ բովանդակության ամբողջական կամ մասնակի պատճենումը, վերարտադրումը, տարածումը, հրապարակումը, օգտագործումը կամ փոփոխումը Գնորդի կամ ցանկացած երրորդ անձի կողմից առանց Վաճառողի նախապես տրված գրավոր թույլտվության արգելվում է և կարող է առաջացնել իրավական պատասխանատվություն՝ համաձայն հեղինակային և հարակից իրավունքների պաշտպանության մասին գործող ՀՀ օրենսդրության։

9․2․ Վաճառողը պարտավորվում է՝

9․2․1․ ապահովել Գնորդի կողմից պատշաճ կերպով կատարած պատվերի ժամանակին և ճիշտ կատարման գործընթացը՝ համաձայն ներկայացված ապրանքային նկարագրության, գնի և պայմանների։

9․2․2․ Տրամադրել հավաստի, ամբողջական և հստակ տեղեկատվություն վաճառվող ապրանքների, դրանց հատկանիշների, գների, առաքման պայմանների և վճարման եղանակների վերաբերյալ։

9․2․3․ Պատվերը չկատարելու դեպքում (օրինակ՝ ապրանքի պահեստում բացակայության պատճառով) անհապաղ տեղեկացնել Գնորդին և առաջարկել փոխարինող տարբերակ, վերադարձ կամ այլ լուծում՝ կողմերի համաձայնությամբ։

9․3․ Գնորդը իրավունք ունի՝

9․3․1․ ստանալ ամբողջական, հավաստի և հասանելի տեղեկատվություն կայքի գործունեության, ինչպես նաև վաճառվող ապրանքների, դրանց նկարագրերի, տեխնիկական հատկանիշների և այլնի վերաբերյալ։

9․3․2․ վաճառողին ուղղել իր կարծիքը, առաջարկությունները, բողոքները կամ խորհուրդները՝ կապված ծառայությունների որակի և օֆերտայի պայմանների հետ։

9․3․3․ սահմանաված ժամկետներում, կարգով և պատշաճ ձևով ստանալ պատվիրած ապրանքները՝ համաձայն սույն օֆերտայի պայմանների։

9․3․4․ ստուգել պայմանագրի կատարման ընթացքը՝ առանց խոչընդոտելու կամ միջամտելու վաճառողի գործունեությանը։

9․4․ Գնորդը պարտավորվում է՝

9․4․1․ ժամանակին և ամբողջությամբ կատարել պատվիրված ապրանքների դիմաց վճարումները՝ համաձայն ներկայացված ապրանքների արժեքի, առաքման ծառայության վճարի և այլ հնարավոր լրացուցիչ գանձումների, որոնք սահմանված են սույն օֆերտայի և վաճառոողի կողմից նախատեսված պայմաններով։

9․4․2․ տրամադրել ճշգրիտ, ամբողջական և թարմացված տեղեկատվություն, ներառյալ՝ անուն, ազգանուն, հայրանուն, հասցե, հեռախոսահամար, էլեկտրոնային փոստի հասցե, առաքման և վճարման տվյալներ՝ անհրաժեշտ օպերատիվ կապի և պատշաճ կարգով ծառայությունների մատուցման և ապրանքի մատակարարման նպատակով։

9․4․3․ պայմանագրի շրջանակներում համագործակցել Վաճառողի հետ, անհրաժեշտության դեպքում տրամադրել լրացուցիչ պարզաբանումներ կամ փաստաթղթեր, որոնք պահանջվում են պատվերի մշակման, վճարման հաստատման կամ առաքման գործընթացի ապահովման համար։

9․4․4․ չկատարել գործողություններ, որոնք կարող են վնաս պատճառել վաճառողի համակարգին, կայքի աշխատանքին կամ խաթարել այլ Գնորդների իրենց իրավունքներից օգտվելու հնարավորությունը, ներառյալ՝ խաբուսիկ պատվերների կատարումը, վճարման համակարգերի չարաշահումը, տեխնիկական միջամտությունները կամ կայքի բովանդակության ապօրինի օգտագործումը։

9․4․5․ պահպանել սույն հրապարակային օֆերտայի բոլոր դրույթները և պահանջները, ինչպես նաև հետևել ՀՀ օրենսդրության պահանջներին՝ առցանց գնումներ կատարելու գործընթացում։

9․4․6․ ապրանքը ստանալուց հետո ստուգել վերջինիս համապատասխանությունը պատվերին, իսկ առարկությունների դեպքում անմիջապես, բայց ոչ ուշ քան 14 (տասնչորս) օրյա ժամկետում, տեղեկացնել Վաճառողին այդ մասին՝ ապրանքի վերադարձի կամ փոխանակման իրավունքը իրացնելու նպատակով։

9․4․7․ պահպանել պատվերով ձեռք բերված ապրանքների օգտագործման, պահպանման կամ վերադարձի հետ կապված վաճառողի կողմից սահմանված կանոնները, որոնք առկա են և նախապես հաղորդված են Գնորդին (հրապարակված են կայքի համապատասխան բաժիններում)։

10․ԿՈՂՄԵՐԻ ՊԱՏԱՍԽԱՆԱՏՎՈՒԹՅՈՒՆԸ

10․1․ Վաճառողը պատասխանատվություն չի կրում Գնորդի կամ վերջինիս կողմից ներգրավված երրորդ անձանց կրած վնասների համար, եթե այդ վնասները առաջացել են պայմանագրային պարտավորությունների չկատարման կամ ոչ պատշաճ կատարման արդյունքում, պայմանավորված Գնորդի գործողությամբ կամ անգործությամբ, այդ թվում՝ Առցանց խանութի օրինական պահանջների խախտման կամ դրանց չկատարման հետևանքով։

10․2․ Գնորդը, պայմանագիրը կնքելով, հավաստում է, որ ծանոթացել և տվել է համաձայնություն սույն հրապարակային օֆերտայի բոլոր պայմաններին՝ գիտակցելով դրանց իրավական հետևանքները։ Գնորդը հավաստում է, որ իրավունք չունի պահանջելու որևէ նյութական կամ ոչ նյութական վնասի հատուցում Վաճառողից, բացառությամբ այն դեպքերի, երբ նման պատասխանատվությունը հստակ սահմանված է սույն օֆերտայով, Վաճառողի Գաղտնիության քաղաքականությամբ կամ Հայաստանի Հանրապետության սույն իրավահարաբերությունների նկատմամբ պարտադիր կիրառման ենթակա իրավական ակտերով։

10․3․ Վաճառողի ընդհանուր պատասխանատվությունը յուրաքանչյուր առանձին Պատվերի շրջանակում սահմանափակվում է ոչ ավել քան տվյալ Պատվերի գումարի չափով։ Վաճառողը ազատվում է պատասխանատվությունից, եթե պայմանագրային պարտավորությունների չկատարումը կամ ուշացումը պայմանավորված է անհաղթահարելի ուժի (ֆորս մաժոր) հանգամանքներով, այդ թվում՝ բայց չսահմանափակվելով՝ պետական մարմինների որոշումներով, պատերազմական գործողություններով, արտակարգ դրությամբ, բնության աղետներով (հրդեհ, երկրաշարժ, ջրհեղեղ), զանգվածային անկարգություններով, համաճարակներով, տեխնիկական համակարգերի լուրջ խափանումներով, էլեկտրամատակարարման կամ ինտերնետ կապի ընդհատմամբ, աշխատողների գործադուլներով և այլ օբյեկտիվ հանգամանքներով, որոնք խոչընդոտում են պայմանագրի պատշաճ կատարմանը և կախված չեն Վաճառողի ուղիղ կամ անուղղակի վերահսկողությունից։

ԳԱՂՏՆԻՈՒԹՅԱՆ ՔԱՂԱՔԱԿԱՆՈՒԹՅՈՒՆ

11․1․ Օգտատիրոջ/Գնորդի անձնական տվյալների հավաքագրումն ու մշակումն իրականացվում է Հայաստանի Հանրապետության «Անձնական տվյալների պաշտպանության մասին» ՀՀ օրենքի, ինչպես նաև սույն հրապարակային օֆերտայի և Վաճառողի Գաղտնիության քաղաքականության պահանջներին համապատասխան։ Օգտատիրոջ կողմից տրամադրված տվյալների ճշգրտության և դրանց երրորդ անձանց կողմից օգտագործման հետևանքով առաջացած բացասական հետևանքների ողջ պատասխանատվությունը կրում է Օգտատերը, անկախ այն հանգամանքից, թե տվյալ գործողությունները իրականացվել են իր կամքով, թե՝ ոչ։

11․2․ Վաճառողը իրավունք ունի Օգտատիրոջ/Գնորդի կողմից տրամադրված տվյալները մշակել հետևյալ նպատակներից որևէ մեկով՝ պատվերների ընդունում և առաքման կազմակերպում, պայմանագրային պարտավորությունների իրականացում, ապրանքների կամ ծառայությունների առաջխաղացում, մարքեթինգային հաղորդագրությունների ուղարկում, օգտատիրոջ գոհունակության և սպասարկման որակի գնահատում, մրցույթների, խաղարկությունների կամ վաճառքի ծավալների ավելացման նպատակով այլ ակցիաների/միջոցառումների կազմակերպում։

11․3․ Անձնական տվյալների մշակումը ներառում է հետևյալ գործողությունները՝ հավաքագրում, գրանցում, համակարգում, պահպանում, հստակեցում (թարմացում), օգտագործում, փոխանցում (այդ թվում՝ անդրսահմանային), ապանձնավորում, արգելափակում, ջնջում և ոչնչացում՝ ավտոմատացված կամ ոչ ավտոմատացված եղանակներով։ Տվյալների փոխանցումը կարող է իրականացվել երրորդ անձանց՝ բացառապես պայմանագրային պարտավորությունների կատարման նպատակով (օրինակ՝ առաքման կամ վճարային համակարգերի հետ համագործակցության շրջանակում)։

11․4․ Վաճառողը իրավունք ունի Օգտատիրոջ/Գնորդի համաձայնությամբ՝ վերջինիս էլ. փոստի կամ բջջային հեռախոսի միջոցով ուղարկել տեղեկատվական կամ գովազդային հաղորդագրություններ։ Գնորդը ցանկացած պահի կարող է հրաժարվել այդ հաղորդագրություններից՝ ուղարկելով համապատասխան դիմում Վաճառողի էլեկտրոնային հասցեին։ Վաճառողը կարող է ուղարկել ինքնաշխատ սպասարկման հաղորդագրություններ (օրինակ՝ պատվերի հաստատում, առաքման ընթացիկ կարգավիճակի մասին տեղեկացում և այլն), որոնցից հրաժարվելու հնարավորություն Գնորդին չի տրամադրվում։

11․5․ Անձնական տվյալների մշակման համաձայնության հետկանչը համարվում է հրապարակային օֆերտայի ընդունումը (ակցեպտի) չստացված։

11․6․ Վաճառողը կարող է օգտագործել «cookie» տեխնոլոգիան՝ Կայքի արդյունավետության, այցելությունների վիճակագրության և մարքեթինգային նպատակների համար։ Cookie-ները չեն պարունակում գաղտնի տեղեկատվություն։ Կայքը օգտագործելով՝ Օգտատերը համաձայնություն է տալիս cookie-ների օգտագործմանն ու տվյալների վերլուծությանը, ներառյալ՝ երրորդ կողմերի մասնակցությամբ։ Վաճառողը կարող է ստանալ Կայքի այցելուի IP հասցեն, սակայն տվյալ տեղեկատվությունը չի օգտագործվում անձի նույնականացման նպատակով։

11․7․ Վաճառողը կարող է ձայնագրել Օգտատիրոջ/Գնորդի հետ հեռախոսային խոսակցությունները՝ ծառայության որակի վերահսկման և վեճերի լուծման նպատակներով։ Ձայնագրված տվյալների գաղտնիությունը երաշխավորվում է, և այդ տվյալները չեն փոխանցվում երրորդ անձանց՝ առանց համապատասխան իրավական հիմքի։ Հեռախոսազանգի ձայնագրման վերաբերյալ փաստը Գնորդին է փոխանցվում ավտոմատ կերպով՝ նախքան աշխատակցի հետ կապ հաստատելը։

11․8․ Վաճառողը պատասխանատվություն չի կրում այն տվյալների համար, որոնք Օգտատերը հրապարակել է կայքում հանրամատչելի կերպով։

ՎԵՃԵՐԻ ԼՈՒԾՈՒՄ

12․1 Օգտատիրոջ կողմից կայքի օգտագործման, ապրանքների առուվաճառքի ընթացքում Կողմերի միջև ծագած բոլոր վեճերը լուծվում են բանակցությունների միջոցով։ Բանակցությունները իրականացվում են նախապահանջային եղանակով՝ Պայմանագրի խախատում վկայակոչող կողմից պայմանագրի ենթադրյալ խախատում թույլ տրված կողմին խախատման վերաբերյալ նախապահանջ/ծանուցում ուղարկելու միջոցով։

12․2․ Նախապահանջը ստանալու պահից 15 (տասնհինգ) աշխատանքային օրվա ընթացքում դրա վերաբերյալ պատասխան չստացվելու կամ ներկայացվող պահանջը մերժվելու դեպքում վեճի լուծումը հանձնվում է Հայաստանի Հանրապետության ընդհանուր իրավասության քաղաքացիական դատարանի ենթակայությանը: Վեճը լուծվում է Պայմանագրով սահմանված պայմանների և Հայաստանի Հանրապետության նյութական իրավունքի նորմերի համաձայն:

ԳՆՈՐԴԻ ՀԱՎԱՍՏԻԱՑՈՒՄՆԵՐԸ

13․1․ Սույն Պայմանագրի ընդունման (ակցեպտի) պահից Գնորդը հայտարարում և հավաստում է, որ լիարժեք ծանոթացել է սույն Հրապարակային օֆերտայի պայմաններին և ընդունում է դրանք առանց վերապահումների, հասկանալի են Վաճառողի կողմից առաջարկվող ծառայությունների և Պայմանագրով նախատեսված բոլոր իրավահարաբերությունների բնույթն ու շրջանակը, իր գործողությունների իրավական հետևանքները, տիրապետում է Պայմանագիր կնքելու և դրա շրջանակներում իրավահարաբերություններ իրականացնելու համար անհրաժեշտ իրավունակությանը և լիազորություններին։

ԱՅԼ ՊԱՅՄԱՆՆԵՐ

14․1․ Գնորդները կարող են օգտվել սույն պայմանագրով նախատեսված ծառայություններից ոչ միայն առցանց կայքի միջոցով, այլև, կապ հաստատելով Վաճառողի հաճախորդների սպասարկման համապատասխան կենտրոններ և վաճառասրահների հետ, որոնց վերաբերյալ տեղեկատվությունը՝ հասցե, հեռախոսահամար և այլն, հրապարակված է կայքէջերում։ Նման կերպ իրականացվող հաղորդակցությամբ սկիզբ առնող իրավահարաբերությունների նկատմամբ կիրառելի են սույն Հրապարակային օֆերտայի բոլոր դրույթները։

14․2․ Պայմանագրով բոլոր ծանուցումները համարվում են պատշաճ, եթե իրականացվում են գրավոր ձևով՝ հայերենով, և ուղարկվում են Պայմանագրում նշված հասցեներին (Վաճառողի դեպքում՝ սույն Օֆերտայով կամ Կայքում նշված Ընկերության գտնվելու վայրի հասցեով, Գնորդի դեպքում՝ Կայքում գրանցման կամ պատվերի ձևակերպման ընթացքում նշված առաքման հասցեով)՝ փոստային առաքմամբ (ստացման մասին հետադարձ ծանուցմամբ), առձեռն հանձնելու միջոցով, ինչպես նաև Պայմանագրում նշված ցանկացած հեռահաղորդակցության միջոցով (էլեկտրոնային փոստի հասցեներին ուղարկելու միջոցով և/կամ էլեկտրոնային կապի այլ միջոցներով ծրագրային և հավելվածային հարթակներով, ներառյալ՝ հաղորդագրություններով, բջջային հավելվածներով և այլն)։ Կողմերի միջև ծանուցումներն իրականացվում են նաև կարճ հաղորդագրությունների (SMS) միջոցով՝ գրանցման կամ պատվերի ձևակերպման ընթացքում նշված բջջային հեռախոսահամարին ուղարկելու միջոցով, այնպիսի տեխնիկական եղանակով, որը բացառում է հաղորդագրության իսկության նկատմամբ կասկածը։

14․3․ Սույն Հրապարակային օֆերտայով կամ դրա հիման վրա կնքված Պայմանագրով նախատեսված որևէ իրավունքից, պահանջից կամ լիազորությունից կողմերից որևէ մեկի կողմից չօգտվելը կամ դրանց իրացման ձգձգումը չի համարվում տվյալ իրավունքից, պահանջից կամ լիազորությունից հրաժարում և չի զրկում մյուս կողմին՝ պայմանների խախտման պարագայում, նույն կամ նմանատիպ իրավունքների և պահանջների իրացման հնարավորությունից։

Պայմանագրից ծագած վճարային որևէ պարտավորություն չի կարող դադարել այլ պարտավորության հաշվանցով՝ առանց Կողմերի լրացուցիչ փոխադարձ համաձայնությամբ։

14․4․ Սույն Պայմանագիրը ներկայացնում է Վաճառողի և ապագա Գնորդի միջև ընդունված ամբողջական համաձայնություն։ Վաճառողը սույն Օֆերտայի առարկայի վերաբերյալ չի ստանձնում որևէ լրացուցիչ պայման կամ պարտավորություն՝ եթե այդ պայմանները չեն ամրագրվել գրավոր ձևով և ստորագրվել Վաճառողի լիազոր ներկայացուցչի և Գնորդի կողմից։

ՎԱՃԱՌՈՂԻ ՎԱՎԵՐԱՊԱՅՄԱՆՆԵՐԸ

«ԷՅ ԷՍ ԲԻ ՍԻ» ՍՊԸ

Պետական գրանցման համարը՝ 286.110.1192390

ՀՎՀՀ՝ 02845628

Իրավաբանական հասցե՝ ՀՀ, ք․Երևան, 0015 Կենտորն, Նալբանդյան փ․, շ․106/1, տարածք193

Էլ․ փոստի հասցե՝ [email protected]

Էլ․ կայքի հասցե՝ https://www.ispace.am

Կոնտակտային հեռախոսահամար՝ +37498099044