Ինչպե՞ս iPhone-ում գաղտնաբառ սահմանել հավելվածի վրա:

Apple-ի մշակողները մեծ ուշադրություն են դարձնում օգտատերերի տվյալների անվտանգության վրա և փորձում են հնարավորինս պաշտպանել սարքերը: Բայց երբեմն խոսքն ամենևին էլ դեպի համակարգ գլոբալ ներխուժումների մասին չէ։

 Եթե Ձեր սմարթֆոնը գոնե երբեմն օգտագործվում է ընկերների կողմից կամ, ասենք, ցանկանում եք սահմանափակել Ձեր երեխայի մուտքը որոշակի հավելվածներ, ապա կարդացեք մեր ակնարկը: Մենք Ձեզ կներկայացնենք, թե ինչպես կարելի է գաղտնաբառով պաշտպանել ցանկացած հավելված Ձեր iPhone-ի կամ iPad-ի վրա:

 “Էկրանի ժամանակ/Screen time» ֆունկցիա

Այս ֆունկցիան առաջին անգամ հայտնվեց iOS 12-ում: Գաղափարն այն էր, որ օգտատերերը կարողանան հետևել, թե որքան ժամանակ են ծախսում սոցիալական ցանցերում և տարբեր հավելվածներում: “Էկրանի ժամանակ/Screen time» ֆունկցիան հնարավորություն է տալիսբավականին ճկուն վերահսկել այն և Ձեր հայեցողությամբ սահմանափակել առանձին ծրագրերի աշխատանքային ժամանակը:

Այսպիսով, iPhone հավելվածների համար գաղտնաբառ սահմանելու համար հետևեք մեր հրահանգներին: 

1. Ձեր աշխատանքային սեղանից բացեք Կարգավորումներ հավելվածը:
2. Մուտք գործեք “Էկրանի ժամանակ/Screen time» բաժին:
3. Իջեք էջի ներքևի հատված և սեղմեք «Բլոկավորել Էկրանի ժամանակի կարգավորումները»:
4. Ստեղծեք քառանիշ կոդ-գաղտնաբառ, որը կպաշտպանի նշված կարգավորումները:
5. Մուտքագրեք Ձեր Apple ID-ն: Դուք կարող եք օգտագործել Ձեր էլ. փոստը կամ հեռախոսահամարը Ձեր գաղտնաբառը վերականգնելու համար վերջինիս մոռանալու դեպքում:

1. 1. Վերադարձեք «Էկրանի ժամանակ/screen time» բաժին և անցում կատարեք «Բովանդակություն և գաղտնիություն» բաժին:
   2. Սահմանափակումներ ստեղծելու համար ընտրեք անհրաժեշտ բաժինը՝ օրինակ՝ «Գնումներ iTunes-ում և App Store-ում», «Թույլատրված հավելվածներ», «Բովանդակության սահմանափակումներ» և այլն:
   3. Անջատեք հավելվածները կամ գործողությունները, որոնք ցանկանում եք թաքցնել Ձեր հիմնական էկրանից: Դրանք չեն ջնջվի սարքից, բայց չեն էլ ցուցադրվի՝ ինչպես ասում են՝ աչքից հեռու:

Նշում: Հետագայում դրանց մուտքը կրկին ակտիվացնելու համար կրկնեք վերոնշյալ քայլերը և անջատիչները տեղափոխեք հակառակ ուղղությամբ:

Որոշ խաղերի և հավելվածների ժամանակի սահմանափակում

 Երբեմն վերահսկողության կարիք ունեն ոչ միայն երեխաները, այլ նաև մենք ինքներս:Խոստովանեք, Դուք այնքան ժամանակ կարող եք ծախսել՝ շփվելով մեսենջերներով, որ ամբողջովինկարող եք մոռանալ ժամանակի մասին: Հետո, ըստ ժանրի բոլոր օրենքների, գուշակում եք, թեորտեղ եք վատնել Ձեր ժամանակը, և ինչու պլանավորված ոչ մի գործողություն չեք հասցրել կատարել։

«Հավելվածի և կայքի ակտիվություն» բաժնում հավելվածների օգտագործման վիճակագրությունը հասանելի է բոլոր Apple սարքերի օգտատերերին: Վերլուծեք, թե որտեղ եք ծախսում Ձեր ժամանակը և սահմանեք ժամանակի սահմանափակում անհրաժեշտ հավելվածների համար:

Ինչպե՞ս սահմանել ժամանակի սահմանափակում iPhone-ի հավելվածներում:

1. Նախ, Դուք պետք է կատարեք նախորդ բաժնի առաջին հինգ քայլերը, այսինքն՝ սահմանեք «Էկրանի ժամանակ» ֆունկցիայի կարգավորումները, եթե դեռ չեք կատարել:
2. Անցում կատարեք «Էկրանի ժամանակ» բաժինը, այնուհետև «Հավելվածի սահմանափակումներ» կետը:
3. Սեղմեք «Ավելացնել սահմանափակում» կոճակը և մուտքագրեք «Էկրանի ժամանակ/Screen Time»-ի համար նախատեսված Ձեր կոդ-ծածկագիրը:

 4. Ընտրեք կատեգորիան: Սեղմեք աջ կողմում գտնվող սլաքը՝ կատեգորիայի մենյուն ընդլայնելու համար: Ընտրեք այն հավելվածները, որոնց վրա ցանկանում եք սահմանափակում սահմանել և սեղմեք «Հաջորդը»:

5. Սահմանեք սահմանափակումը՝ ամենօրյա կամ շաբաթվա կոնկրետ օրերի համար: Ժամանակի ավարտից հետո հավելվածները կբլոկավորվեն գաղտնաբառով:

6. Նաև տեղափոխեք «Արգելափակել սահմանափակման(լիմիթի) վերջում» անջատիչը ակտիվ դիրքի վրա և սեղմեք «Ավելացնել»:

Կարևոր: Եթե ​​ցանկանում եք մշտական ​​գաղտնաբառ սահմանել մեկ կամ մի քանի հավելվածներ գործարկելու համար, սահմանեք սահմանափակում(լիմիթ)1 րոպեի համար:

Վերջինիս ժամկետը լրանալուց հետո, երբ Դուք գործարկեք արգելափակված հավելվածը, համակարգը կուղարկի համապատասխան ծանուցում: Բլոկավորված հավելվածի պատկերակների երանգները կդառնան ավելի խամրած, իսկ դրանց կողքին կհայտնվի ավազե ժամացույցի պատկերակ:

Իհարկե, Դուք կարող եք շարունակել աշխատել արգելափակված հավելվածում։Անհրաժեշտության դեպքում հպեք հավելվածի պատկերակին և սեղմեք «Պահանջել ավելի շատ ժամանակ» կոճակը: Այնուհետև մուտքագրեք Ձեր կոդ-գաղտնաբառը և սահմանեք սահմանափակում. կարող եք հաստատել 15 րոպեով, մեկ ժամով կամ ամբողջ օրով:

Ավելին, Դուք կարող եք մեկ սահմանափակում սահմանել բոլոր համաժամացված Apple սարքերի վրա: Դա անելու համար վերադարձեք «Էկրանի ժամանակ» բաժնի գլխավոր էջ և ակտիվացրեք «Հաշվառում բոլոր սարքերում» անջատիչը:

Պատրաստ է:

Անցում կատարեք iSpace խանութ-սրահի կատալոգ և ընտրեք այն սարքը, որի վրա Ձեզ առավել հաճելի կլինի աշխատել Ձեր սիրելի հավելվածներում: Օգտվեք, սակայն մի կորցրեք ժամանակի զգացողությունը: