Որն է ավելի լավ ուսման համար՝ MacBook Air ընդդեմ գերհզոր MacBook Pro-ի

Նոութբուքը մեքենա է ցանկացած առաջադրանքի համար՝ սկսած տեքստային խմբագրիչներում աշխատելուց, լուսանկարների ռետուշավորումից, ուսումնական նյութերի ուսումնասիրությունից և գրքեր կարդալուց մինչև վիդեո խմբագրում, գրաֆիկայի ստեղծում, կոդավորում: Apple-ի նոութբուք գնելու բազմաթիվ պատճառներ կան: Թեթևություն, գերազանց էրգոնոմիկա, հզորություն, հարմարավետություն և, իհարկե, ունիվերսալություն․ ահա թե ինչով է գրավում այս ապրանքանիշի սարքավորումները: Այսպիսով, եկեք ուսումնասիրենք բնութագրերը և ընտրենք, թե ինչ գնել ուսանողի համար․ MacBook Pro թե MacBook Air:

Սովորեք և աշխատեք ցանկացած վայրում

Նոութբուքը, առաջին հերթին, իրենից ենթադրում է դյուրակրություն։ Այն տեղավորվում է ուսապարկի կամ պայուսակի մեջ, և Դուք կարող եք այն Ձեզ հետ տանել գրադարան, այգի, սրճարան, աշխատանքային տարածք կամ դասարան: Միևնույն ժամանակ, Դուք չպետք է անհանգստանաք մոտակայքում հոսանքի վարդակի առկայության կամ մոռացված լիցքավորիչի մասին.

• MacBook Air 13 М1/М2/М3 և MacBook Air 15 M2/M3-ը մեկ լիցքավորման դեպքում կաշխատի 18 ժամ: Իսկ սա երկու ամբողջական աշխատանքային օր է։

MacBook Pro 16 կամ 14 М3 չիպով․ թույլ է տալիս աշխատել առանց լիցքավորման 22 ժամ։

Բացի այդ, MacBook Pro-ն կարող է էներգիա խնայել ProMotion տեխնոլոգիայի աջակցության շնորհիվ: Երբ դանդաղ թերթում եք էջերը, էկրանի թարմացման արագությունը ինքնաբերաբար նվազում է:

MacBook-ը կոմպակտ և թեթև սարք է․ հատկապես եթե մենք խոսում ենք MacBook Air 13-ի մասին, որի հաստությունը 1 սմ-ից մի փոքր ավելի է։ M2 և M3 չիպսեթների վրա հիմնված մոդելները կշռում են 1 կգ-ից մի փոքր ավելի։ Կարող եք ապահով կրել այն ամբողջ օրը և հաստատ չեք հոգնի։ Նույնիսկ 16 դյույմանոց MacBook Pro M2-ը և M3-ը կշռում են 2 կգ, ինչը այնքան էլ շատ չէ այդքան մեծ մոնիտորով սարքավորումների համար:

Հարմարեցված էկրան՝ հատուկ ուսման հարմարավետության համար

MacBook-ն օգտագործում է նորագույն Liquid Retina էկրան: Պատկերը ներկայացվում է գունեղ, պարզ և հնարավորինս մանրամասն: Վերջինիս հիմնական հատկանիշներն են ամենալայն գունային ծածկույթը և բարձր լուծաչափը: Իսկ նոութբուքի էկրանը սկզբնապես տրամաչափված է արտադրողի գործարանում: Այսպիսի բոնուսը հատկապես կգնահատեն նրանք, ովքեր աշխատում են դիզայնի, իլյուստրացիաների կամ վիզուալ բովանդակության ստեղծման ոլորտում:

Մոնիտորն աջակցում է True Tone տեխնոլոգիան, որը հարմարեցնում է էկրանի ջերմաստիճանը՝ հիմնվելով լուսավորության վրա, ինչը հատկապես կարևոր է այն դեպքում, երբ պետք է ամբողջ օրն աշխատել։ Եվ անհանգստանալու կարիք չի լինի, քանի որ Ձեր աչքերը չեն հոգնի։ Էկրանի պայծառությունը 400–500 նիթ է կամ ավելի (Pro տարբերակում առավելագույն պայծառությունը 1000–1600 նիթ է), ինչը թույլ է տալիս լավ որակով տեսանյութեր դիտել նույնիսկ սրճարանում պայծառ արևի լույսի ներքո: Ի դեպ, այլ ապրանքանիշերի շատ այլ նոութբուքեր չեն կարող պարծենալ նման ցուցանիշներով. միջին պայծառությունը առավելագույնը 200-300 նիթ է:

Եթե ​​Դուք առաջնահերթություն եք տալիս դյուրակրությանը, ապա ազատ կարող եք վերցնել MacBook Air 13 դյույմանոց էկրանով. սա փոխզիջումային տարբերակ է կոմպակտության և ֆունկցիոնալության միջև: Սրանով հարմար է աշխատել էլեկտրոնային փոստով, գրառումներ կազմել, ռեֆերատներ և կուրսայիններ խմբագրել, ինչպես նաև շրջել ինտերնետում: 13 կամ 14 դյույմանոց MacBook Pro-ն նույնպես շատ տեղ չի գրավի Ձեր գրասեղանին կամ պայուսակում: Բայց եթե ցանկանում եք ֆիլմեր դիտել մեծ էկրանով և ստիպված եք աշխատել բազմաթիվ պատուհանների հետ, ապա վերցրեք MacBook Pro 16/15 կամ MacBook Air 15:

Տիեզերական հզորություն մոնտաժման, խաղերի, դիզայնի համար

Պրոցեսորից է կախված, թե որքան արագ և ինչ կատարողականությամբ է աշխատում համակարգիչը: Տիեզերական հզորության առումով ամենահզորը MacBook Pro-ն է՝ հիմնված M1, M2 և M3 չիպերի վրա․

• Օպերատիվ հիշողություն մինչև 128 ԳԲ;
• Հիշողությունը՝ մինչև 8 ՏԲ;
• բազմամիջուկ պրոցեսորներ;
• արդիականացված վիդեո քարտեր 3D մոդելավորման, ռենդերինգի և վիդեո խմբագրման համար։

Եվ պետք չէ անհանգստանալ նոութբուքի՝ բարձր ծանրաբեռնվածության տակ գերտաքանալու համար, քանի որ MacBook-ն ունի ակտիվ հովացման համակարգ: Իսկ սարքի հզորությունը բավարար է 4K վիդեո խմբագրման, «ծանր» 3D գրաֆիկայի, բարձր լուծաչափով լուսանկարների խմբագրման և ռեսուրսատար խաղերի համար:

Եթե ​​Ձեզ անհրաժեշտ է մեքենա փաստաթղթերի հետ աշխատելու, ինտերնետում ճամփորդելու, պրեզենտացիաներ ստեղծելու համար, ապա Macbook Air M1 2020-ը, MacBook Air M2-ը և MacBook Air M3-ը իդեալական են այդ նպատակների համար: Նրանք կարող են նաև կարգավորել գրաֆիկան և վիդեո խմբագրումը, սակայն Pro տարբերակը ավելի լավ է հարմարեցված նման առաջադրանքների համար:

Մաքուր ձայն, հիանալի տեսախցիկ և ծայրամասային սարքեր՝ առավելագույնն են առցանց կատարվող աշխատանքների համար

Pro և Air տարբերակները հարմար են նաև առցանց ուսուցման համար: Նոութբուքերն ունեն 1080p FaceTime HD տեսախցիկներ՝ բյուրեղյա մաքուր պատկերների համար, ինչպես նաև ստուդիայի որակի խոսափողներ և բարձրախոսներ, որոնք ապահովում են հոյակապ, մաքուր ձայն․ այնպիսի տպավորություն է, որ Ձեր զրուցակիցը նստած է հենց Ձեր կողքին: Եվ նման ակուստիկայով ցանկացած ֆիլմ ավելի հետաքրքիր և հուզիչ է թվում:

Տեքստի հարմարավետ հավաքման, ինչպես նաև հրամանների մուտքագրման համար տրամադրվում է լուռ Magic Keyboard ստեղնաշար: Եթե ​​անգամ գիշերը հանրակացարանում աշխատեք, Ձեր սենյակակիցը չի դժգոհի աղմուկից: Բացի այդ, Դուք կարող եք ձեռք բերել էրգոնոմիկ Magic Mouse մկնիկ։ 

Ծայրամասային սարքերի հետ աշխատելու համար հեշտ է օգտագործել USB-C պորտերը. դրանք երկուսն են Air տարբերակում և երեքը շատ MacBook Pro տարբերակներում, ինչպես նաև երկու Thunderbolt պորտեր երկու մոդելներում: Դրանց կարելի է միացնել USB կուտակիչ, սկավառակի կրիչ կամ երկու կամ երեք լրացուցիչ մոնիտորներ: Եվ եթե ունեք MacBook Pro M2 Max/ M3 Max, կարող եք ունենալ միանգամից չորս մոնիտոր:

Առավելագույն հոգատարություն. macOS-ի առանձնահատկություններ, որոնք կպարզեցնեն ամեն ինչ

macOS-ը շատ օգտակար բաներ ունի ուսանողների համար.

• Spotlight-ը կօգնի Ձեզ մի քանի վայրկյանում գտնել ցանկացած փաստաթուղթ, նշում կամ նույնիսկ անցյալ տարվա լաբորատոր աշխատանքը: Սա ավելի հարմար է, քան գրառումները պահելը և թերթելը:
• Դուք կարող եք ձայնագրել դասախոսությունները աուդիո ձևաչափով, այնուհետև վայրկյանների ընթացքում դրանք վերածել տեքստի, ավելացնել նշումներ և կազմել փայլուն կոնսպեկտներ։
• Եթե Ձեր համակուրսեցին չի հասկանում, թե ինչպես աշխատել ծրագրում, պարզապես ձայնագրեք գործողությունները էկրանին և ուղարկեք տեսանյութը ընկերոջը:

MacBook-ը հանդիսանում է Apple-ի էկոհամակարգի մի մասը, և, հետևաբար, ներդաշնակ է ապրանքանիշի բոլոր սարքերի և գադջեթների հետ: Ճանապարհին Դուք կարող եք գրառում կատարել Ձեր iPhone-ի կամ iPad-ի վրա և ավարտել Ձեր աշխատանքը նոութբուքով: Կամ լուսանկարեք գրատախտակը Ձեր iPhone-ով և անմիջապես տեղադրեք լուսանկարը Ձեր MacBook-ի դասախոսությունների մեջ:

Ուսման համար նախատեսված հավելվածներ, որոնք արդեն տեղադրված են

MacBook-ն արդեն ունի բազմաթիվ ներկառուցված հավելվածներ: Օրինակ, Pages-ը կօգնի Ձեզ գրել տարբեր ակադեմիական աշխատանքներ՝ սկսած ռեֆերատներից մինչև դիպլոմային աշխատանքներ։ Numbers-ը հարմար է աղյուսակներ ստեղծելու համար, իսկ Keynote-ը՝ պրեզենտացիաների համար: MacBook-ում ստեղծված ֆայլերը կարող են բացվել Windows ծրագրերում:

Իսկ եթե ցանկանում եք ավելին, ապա կարող եք ներբեռնել ծրագիրը App Store-ից: Օրինակ, եթե Ձեզ անհրաժեշտ է առաջադրանքների կամ իրադարձությունների ժամանակացույց ստեղծել, ապա օգտագործեք Trello յութիլիթին։

Ի վերջո ինչ գնել. MacBook Pro թե MacBook Air

Դպրոցականների և ուսանողների մեծ մասի համար իդեալական է 16 ԳԲ M1 MacBook Air-ը 13 դյույմանոց մոնիտորով: Կոմպակտ, թեթև – այն հեշտությամբ կտեղավորվի պայուսակի մեջ և կդառնա հուսալի օգնական դասընթացների ժամանակ: 15 դյույմանոց տարբերակը նախատեսված է նրանց համար, ովքեր սովոր են աշխատել մեծ էկրանով։ Եթե ​​Ձեզ անհրաժեշտ է մշակել լուսանկարներ, ձայն, տեսանյութեր կամ ստեղծել տարբեր մեդիա բովանդակություն, ապա նման առաջադրանքների համար Դուք պետք է ավելի ուշադիր ուսումնասիրեք MacBook Air-ը՝ հիմնված M2 կամ M3 չիպի վրա:

2022 կամ 2023 MacBook Pro-ն հզոր մեքենա է լուրջ առաջադրանքների համար: Այս նոութբուքը հարմար է նրանց համար, ովքեր ստեղծում են թվային պատկերներ, 3D մոդելներ, ճարտարապետական ​​և ինժեներական գծագրեր, մշակում են ծրագրեր և զբաղվում վիդեո մոնտաժով: Բարձր արդյունավետությամբ համակարգիչները նույնպես հիանալի ընտրություն են այն օգտագործողների համար, ովքեր չեն նախատեսում արդիականացում առաջիկա մի քանի տարիների ընթացքում:

Հատուկ առաջարկներ iSpace խանութ-սրահի կողմից

iSpace խանութ-սրահն ունի իդեալական տեխնիկաներ դպրոցականների և ուսանողների համար: Եվ այդ ամենը ներկայացված է բաց ցուցադրությամբ․ այցելեք և ծանոթացեք։ Նոր ուսումնական տարվա համար պատրաստել ենք նաև հատուկ առաջարկներ։ 

• Օգոստոսի 12-ից՝ առանց կանխավճարի ապառիկ MacBook-ի և iPad-ի համար։
• MacBook գնելիս Դուք կստանաք macOS դասընթաց՝ որպես նվեր:
• 10% զեղչ Umba Training ծառայությունների համար:

Եվ սա դեռ ամենը չէ։ Օգոստոսի 12-ից մինչև սեպտեմբերի 22-ը մենք հայտարարում ենք սուպեր գներ Apple Watch-ի և AirPods լավագույն մոդելների համար։ Այս սարքերը հիանալի աշխատում են iPhone-ի, Mac-ի և iPad-ի հետ և աջակցում են շատ հետաքրքիր ֆունկցիաներ դպրոցի և ընդհանրապես կյանքի համար: Ժամացույցի օգնությամբ Դուք կարող եք հետևել Ձեր առողջությունը, սպորտային նվաճումները և ձայնագրել դասախոսությունները: Իսկ ականջակալները կդարձնեն հաղորդակցությունը հարմարավետ և թույլ կտան վայելել Ձեր սիրած թրեքների խորը ձայնը:

ԿԱՐԴԱՑԵՔ ՆԱև.

Ո՞ւմ համար է հարմար MacBook Air 15″-ը. համեմատենք M2-ը և M3-ը՝ ըստ աշխատանքային պարամետրերի
Ֆիլմի դիտում ընկերոջ հետ միասին. միացրեք երկու զույգ ականջակալները Ձեր MacBook-ին