5 պատճառ «ոչ պաշտոնական» iPhone չգնելու համար. իրական ակնարկներ

iPhone-ը պարզապես հեռախոս չէ. այն նաև  էկոհամակարգ է և կարգավիճակի խորհրդանիշ: Այս հանրաճանաչությունը հանգեցրել է «ոչ պաշտոնական» շուկաների աճին և խաբեության, որոնք iPhone-ներն ավելի ցածր գներով են վաճառում, հաճախ առանց համապատասխան փաստաթղթերի կամ մաքսատուրքերի:

Ո՞րն է «ոչ պաշտոնական» և «պաշտոնական» iPhone-ի միջև տարբերությունը:

Տարբերությունը օրինականության մեջ է: «Ոչ պաշտոնական» iPhone-ները, ինչպես Apple-ի մյուս «ոչ պաշտոնական» արտադրանքները, ներմուծվում են անօրինական ճանապարհով՝ շրջանցելով հարկային օրենքներն ու թղթաբանությունը։ Սա կարող է նվազեցնել գները, բայց հաճախ տուժում է երաշխիքային աջակցությունը: Հակառակ դեպքում, դրանք կհամարվեն սովորական օրիգինալ Apple սմարթֆոններ:

Որտեղի՞ց են գալիս «ոչ պաշտոնական» iPhone-ները: Վերջիններս գալիս են այնպիսի երկրներից, ինչպիսիք են ԱՄՆ-ը, Չինաստանը, Ճապոնիան, ԱՄԷ-ն և ԵՄ երկրները, որտեղ iPhone-ները վաճառվում են պաշտոնական Apple Store-ների միջոցով:

Ո՞րն է «ոչ պաշտոնական» iPhone-ի ծուղակը

«Ոչ պաշտոնական» iPhone-ի ծուղակը նրանում է, որ վերջինս համապատասխանում է ոչ թե Հայաստանի, այլ ԱՄՆ-ի, Չինաստանի, Ճապոնիայի, ԱՄԷ-ի և Եվրոպայի պահանջներին: Այս հեռախոսներըհավաստագրված են իրենց ստանդարտներով և կանոններով, որոնք կարող են տարբերվել մեր ստանդարտներից և կանոններից: Կարող են լինել տարբերություններ համակարգչի ֆիզիկական մասերի և բաղադրիչների, մասնավորապես LTE-ի, 5G-ի և այլ մոդուլների հետ կապված: Կարող են կիրառվել նաև ֆունկցիոնալ սահմանափակումներ, ինչպիսիք են կրիչի բլոկավորումը և eSIM-ի բացակայությունը: Բայց ամենակարևորը երաշխիքային խնդիրներն են:

«Մի երկրում, որը չի հանդիսանում Apple-ի արտադրանքների գնման երկիր, ծառայության տարբերակները կարող են սահմանափակ լինել: Եթե Apple-ի արտադրանքի սպասարկումը հասանելի չէ նման երկրում, նախքան ծառայություն մատուցելը, Apple-ը Ձեզ պետք է տեղեկացնի առաքման և սպասարկման հետ կապված բոլոր հնարավոր լրացուցիչ վճարների մասին »,- նշվում էApple-ի կայքում։

Այսպիսով, վերջնական որոշումը սպասարկման կենտրոնինն է:

«Ոչ պաշտոնական» iPhone-ների էական բացասական կողմն այն է, որ վերջիններիս վաճառողները կարող են թաքցնել որոշ մանրամասներ: Թեև Դուք կարող եք չնկատել որոշ տարբերություններ, սակայն մյուսները կարող են հանգեցնել խնդիրների: iSpace-ը զրուցել է այն մարդկանց հետ, ովքեր գնել են «ոչ պաշտոնական» սմարթֆոններ և զղջացել դրա համար։

Պատմություն #1: Հիասթափեցնող Փորձ

«Ես ունեի չինական iPhone 12, որը չէր աջակցում eSIM-ը: Այն ուներ նույն տեսքը, ինչ «եվրոպական» տարբերակը. միակ տարբերությունը ֆիզիկական SIM քարտերի երկակի բնիկն էր: Եթե ուշադիր ուսումնասիրեինք, կտեսնեինք, որ այդ բնիկները զսպանակներ ունեին, և քարտերը երկու կողմից կարող էին տեղադրվել: Այդ iPhone-ը իսկական էր, հաստատված էր Apple-ի կայքի միջոցով. ամեն ինչ նորմալ էր թվում:

Եթե վաճառողն ինձ նախապես բացատրեր, որ բացի իրենց հայրենի երկրից,  ոչ մի այլ երկրում eSIM-ը չի աշխատի «չինական» iPhone-ների վրա, ապա ես այն չէի գնի: Որովհետև ես անընդհատ ստիպված եմ լինում աշխատանքի բերումով կապի մեջ մնալ: Երբ ես մեկնում եմ հանգստի կամ գործուղման, ես սովորաբար կարգավորում եմ տեղական SIM քարտս eSIM գնումների հավելվածի միջոցով: Սովորական iPhone-ն աջակցում է 8 վիրտուալ SIM քարտերի, որոնց միջև կարելի  է անցում կատարել, սակայն իմն ուներ ընդամենը երկուսը, որոնք ֆիզիկական էին և պահանջում էին ձեռքով փոխարինում:

Թեև ոմանց համար դա խնդիր չէ, սակայն դա ինձ համար խնդիր էր։ Ի վերջո, ես հոգնել եմ թղթի սեղմակների հետ աշխատելուց և օպերատորների կրպակներ փնտրելուց, ուստի գնեցի ևս մեկ iPhone»:

Նշում. eSIM-ի աջակցությունը iPhone-ներում սկսվել է iPhone XS-ով: Այնուամենայնիվ, այս հատկությունը բացակայում է ասիական շուկայի համար նախատեսված որոշ iPhone-ներում։ Apple-ի սմարթֆոնները մայրցամաքային Չինաստանի համար, ինչպես նաև Հոնկոնգի և Մակաոյի որոշ մոդելներ չեն աջակցում eSIM-ին՝ Չինաստանի կառավարության պահանջների պատճառով: Անհնար է «բացել» Dual SIM iPhone-ը նույնիսկ այլ երկրներում: Առկա է նաև հակառակ իրավիճակը. iPhone 14-ի ամբողջ շարքը ամերիկյան շուկայի համար աջակցում է միայն eSIM-ին և ընդհանրապես չունի ֆիզիկական քարտերի համար նախատեսված բնիկ:

Պատմություն #2: Համընդհանուր Սցենար

«Ես իմ առաջին iPhone-ը ձեռք եմ բերել երկրորդային շուկայից՝ օգտագործված վիճակում: Այնժ ամանակ ես չգիտեի, թե ինչպես պետք է այն աշխատեր, այնպես որ ամեն ինչ ինձ հիանալի էր թվում: Որոշ ժամանակ անց ես գնացի սպասարկման կենտրոն՝ մարտկոցը փոխելու, և հենց այդ ժամանակ իմացա, որ իմ iPhone-ը մեկ անգամ արդեն նախկինում վերանորոգվել է: Ավելին, դա արվել է ոչ պաշտոնապես Չինաստանում ինչ-որ տեղ: Տեխնիկական մասնագետն ինձ ցույց է տվել մի փունջ ծուռ կպչուն պիտակներ, որոնց ներսում չինական տառերով գրվածք է եղել: Որոշ բաղադրիչներ նույնիսկ օրիգինալ չէին»։

Նշում.Պաշտոնապես վերանորոգված iPhone-ները խնդիր չեն ներկայացնում. դրանք հաճախ ավելի հուսալի են լինում, քան սովորական օգտագործվածները, որոնք նշված են դասակարգված կայքերում: Դա պայմանավորված է նրանով, որ վերավաճառքից առաջ վերջիններս անցնում են համակարգային բոլոր բաղադրիչների ֆունկցիոնալության թեստավորում, և եթե որևէ խնդիր է ի հայտ գալիս, ապա այդ մասը փոխարինվում է նորով: «Ոչ պաշտոնական» շուկայի խնդիրն այն է, որ կեղծված կամ վատ վերանորոգված iPhone-ները՝ ցածրորակ մասերով, կարող են վաճառվել վերանորոգված լինելու անվան տակ։ Եթե Ձեր բախտը բերի, դրանք կարող են աշխատել 1-2 տարի, բայց ոչ բոլորին է դա հաջողվում:

«Ոչ պաշտոնական» շուկայի մեկ այլ խնդիրն է վերանորոգված iPhone-ների վաճառքը՝ որպես նոր: Այս դեպքում գնորդը հայտնվում է խաբված իրավիճակում։ Նախ, հիասթափեցնող է վճարել նոր հեռախոսի համար և ձեռք բերել օգտագործվածը: Երկրորդ, ոչ ոք չգիտի, թե ինչ է թաքնված հեռախոսի ներսում:

Պատմություն #3: Քաղված Դաս

«Մի քանի տարի առաջ ընկերս Ամերիկայից ինձ համար նոր iPhone բերեց: Պարզվեց, որ այն բլոկավորված է, աշխատում է միայն կոնկրետ օպերատորի SIM քարտով։ Մեր հայկական SIM քարտը չի աջակցվում: Պարզվեց, որ ընկերս հեռախոսը գնել է առցանց՝ չկարդալով կայքի հավելյալ տեղեկությունը։

Վերանորոգման խանութում ինձ խորհուրդ տվեցին օգտագործել հատուկ միկրոչիպ, որը կլուծի SIM քարտի խնդիրը: Իսկ դրա վրա պետք է լրացուցիչ գումար ծախսեի։

Նշում. «Բլոկավորված» iPhone-ը կարող է ապաբլոկավորվել երկու եղանակով՝ պաշտոնապես օպերատորի միջոցով (կամ ուղղակիորեն կամ երրորդ կողմի միջոցով) , կամ ոչ պաշտոնապես Turbo Sim-ի միջոցով: Turbo Sim-ը հատուկ ադապտեր է, որը միկրոչիպի վրա պարունակում է IMSI նույնացուցիչներ, որն օգնում է շրջանցել բլոկավորումը: Երկու մեթոդներն էլ վճարովի են: Ավելին,Turbo Sim-ը լուրջ թերություններ ունի:

Պատմություն #4: Անակնկալ

«Ես գնեցի օգտագործված ճապոնական iPhone, և պարզվեց, որ հնարավոր չէր անջատել տեսախցիկի կափարիչի ձայնը, որն աներևակայելի բարձր էր: Դա կարող է աննշան թվալ, բայց լուսանկարիչների համար դա մեծ խնդիր է: Պատկերացրեք, որ ավտոբուսում եք և ցանկանում եք լուսանկարել, և ավտոբուսի ուղևորները շրջվում են՝ տեսնելու, թե ով է իրենց լուսանկարում: Դա անընդհատ նյարդայնացնում է: Եթե Դուք զբաղվում եք կոնտենտի ստեղծմամբ, ապա լավ մտածեք նախքան «ճապոնական» iPhone ձեռք բերելը»:

Նշում.  տեղական օրենքներով՝ չի թույլատրվում խլացնել խցիկի կափարիչի ձայնը iPhone-ներում, որոնք նախատեսված են Ճապոնիայի և Հարավային Կորեայի համար: Դա լուծելու համարսկզբնական ակտիվացման ժամանակ անհրաժեշտ է տեղադրել տեղական SIM քարտ: Ոչ բոլոր վաճառողները կարող են իմանալ այս խնդրի մասին:

Պատմություն #5: Կանխատեսված

«Ես գնեցի նոր, չօգտագործված iPhone 11 «ոչ պաշտոնական» խանութից: Ես ճանաչում էի վաճառողին նախկինում իմ կողմից կատարած AirPods-ի և Apple Watch-ի գնումներից, որոնք մինչ այժմ լավ ենաշխատում: Ցավոք, iPhone-ը գնելուց անմիջապես հետո խնդիրներ առաջացան սենսորային էկրանի հետ. մի պարզ թերություն: Apple-ի լիազորված սպասարկման կենտրոնը հրաժարվեց այն ծածկել երաշխիքով՝ դրա ոչ պաշտոնական կարգավիճակի պատճառով։

Ես կապ հաստատեցի վաճառողի հետ, ով համաձայնեց օգնել՝ նախազգուշացնելով, որ երկար գործընթաց է սպասվում: Քանի որ դա եվրոպական iPhone էր, այն պետք է սպասարկվեր արտասահմանում: Ինձ հարմար չէր առանց պահեստային հեռախոսի։ Ես ստիպված էի ամեն ինչ իմ ձեռքը վերցնել: Իմ ընկերներից մեկը, ով հաճախ էր այցելում ԵՄ, տարավ իմ iPhone-ը տեղական սպասարկման կենտրոն, որտեղ նրանք ճանաչեցին խնդիրը որպես երաշխիքային դեպք և շտկեցին այն: Ես դաս քաղեցի. նույնիսկ բարձրորակ տեխնիկաները երբեմն կարող են խափանվել, ուստի ապահովագրություն ունենալը լավ գաղափար է»:

Նշում. iPhone-ները սովորաբար իրավասու են երաշխիքային սպասարկման համար իրենց սկզբնական գնման երկրում: Մյուս տարածաշրջաններում դա կատարվում է սպասարկման կենտրոնի հայեցողությամբ: Եթե «ոչ պաշտոնական» iPhone-ում հայտնաբերեք որևէ թերություն, ապա պատրաստ եղեք կա՛մ ինքներդ վճարել վերանորոգման համար, կամ տեղափոխեք այն գնման տարածաշրջան, օրինակ՝ ԵՄ, ԱՄՆ, Չինաստան կամ այլ երկրներ:\

Ինչպե՞ս բացահայտել «ոչ պաշտոնական» iPhone-ը:

Դուք կարող եք ստուգել տեղեկատվությունը iPhone-ի տուփի վրա: Հետևի մասում պետք է լինի սթիքեր, որը ցույց է տալիս Ձեր երկիր ներմուծման կարգավիճակը: Ուշադրություն դարձրեք iPhone-ի մոդելի համարին, քանի որ այն բացահայտում է այն տարածաշրջանը, որի համար վերջինս նախատեսված է: Դուք այն կարող եք դեկոդավորել Apple-ի պաշտոնական կայքում:

Հավաստագրումը նույնպես հետաքրքիր է. եթե Ձեր սարքը նշված է «EAC»-ով, այն նախատեսված է վաճառքի համար Մաքսային միության անդամ երկրներում՝ Հայաստանում, Բելառուսում, Ղազախստանում, Ղրղզստանում կամ Ռուսաստանում: «CE» մակնշումը ցույց է տալիս, որ դա եվրոպական մոդել է, որը վավերացված է EuroTest-ի կողմից և համապատասխանում է եվրոպական չափանիշներին: «CCC» նշանակում է չինական սերտիֆիկացում: Այնուամենայնիվ, «RST» կամ Rostest-ը հնացած տերմին է, որը փոխարինվում է «EAC»-ով: Շատերը դեռևս iPhone-ները անվանում են « non-Rostest» կամ «ոչ պաշտոնապես ներմուծված iPhone»:

Եզրակացություն

«Ոչ պաշտոնական» iPhone-ը ոչ կեղծ, ոչ էլ վերանորոգված դեվայս է: Դա Apple-ի օրիգինալ սմարթֆոն է, որը գնվել է այլ երկրում և ապօրինի ներմուծվել վերավաճառքի համար: Ավելի ցածր մատակարարման ծախսերը, հարկերից խուսափելը և կարգավորող փաստաթղթերի բացակայությունը բացատրում են, թե ինչու են «ոչ պաշտոնական» iPhone-ներն ավելի էժան, քան «պաշտոնականները»: Այնուամենայնիվ, գրավիչ գնի հետ մեկտեղ առաջանում են պոտենցիալ ծուղակներ, ինչպիսիք են կեղծիքների բացահայտման ռիսկը, eSIM-ի աջակցության բացակայությունը և երաշխիքային բարդությունները:

Ինքներդ Ձեզ պաշտպանելու ամենապարզ միջոցը լիազորված դիլերներից Apple-ի արտադրանք գնելն է: Հայաստանում, օրինակ, կարելի է վստահել iSpace խանութների ցանցին: Այս դեպքում Դուք կստանաք իսկական iPhone պատշաճ հաշիվ-ապրանքագրերով և ամբողջական երաշխիքային ծածկույթով: Թերությունների դեպքում Դուք կօգտվեք պրոֆեսիոնալ վերանորոգման ծառայություններից: iSpace-ը ներառում է պաշտոնական սպասարկման կենտրոնը, որը գործում է Apple-ի չափանիշներին համապատասխան:

Գնեք Apple սարքեր առցանց կամ այցելեք մեր խանութները: