Ինչպես արագ գտնել Apple Watch-ը iPhone-ի օգնությամբ

Որպեսզի Apple-ի խելացի ժամացույցը կորցնելը անհանգստություն չպատճառի ձեզ, մշակողները նախատեսել են արդյունավետ գործիքներ։ Դրանց միջոցով կորած սարքը գտնելը բավականին հեշտ է։ Այս նյութում ներկայացնում ենք, թե ինչպես կարելի է Apple Watch-ը գտնել iPhone-ի օգնությամբ։

Ինչու կարելի է գտնել Apple Watch-ը iPhone-ի օգնությամբ

Apple-ը ստեղծել է միասնական էկոհամակարգ, որը ապահովում է սարքերի փոխգործակցությունը։ Apple Watch-ը և iPhone-ը հեշտությամբ միացվում են Bluetooth-ի միջոցով։ Կորած սարքը կարելի է գտնել «Գտնել» (Find My) հավելվածի օգնությամբ, որի մասին ավելի մանրամասն կարող եք կարդալ մեր բլոգում։

Երբ Apple Watch-ը միացված է, այն պարբերաբար փոխանցում է իր տեղադրության մասին կոդավորված տվյալներ։ Եթե iPhone-ում մուտք գործեք նույն Apple ID-ով, կարող եք տեսնել դրա գտնվելու վայրը քարտեզի վրա։ Սակայն այս ամենը աշխատելու համար անհրաժեշտ է նախապես ճիշտ կարգավորել համակարգը։

Ի՞նչ է անհրաժեշտ, որպեսզի որոնումը ճիշտ գործի

Որպեսզի հետագայում սարքերը գտնելը ավելի հարմար լինի, ակտիվացրեք «Գտնել» հավելվածը։ Կատարեք հետևյալ քայլերը՝

1. Համաժամեցրեք Apple Watch-ը և iPhone-ը Bluetooth-ի միջոցով։
2. Բացեք «Կարգավորումներ» բաժինը Apple Watch-ում։
3. Մուտք գործեք ձեր Apple ID-ով։
4. Սահեցրեք ներքև և ընտրեք ձեր Apple Watch-ը։
5. «Գտնել» բաժնում ակտիվացրեք «Գտնել» ցանցը։

Հավելվածը ակտիվացնելուց հետո կարող եք տեսնել Apple Watch-ի գտնվելու վայրը։

Ինչպես գտնել Apple Watch-ը, եթե այն գտնվում է մոտակայքում

Եթե համոզված եք, որ սարքը մոտակայքում է, օգտագործեք ձայնային ազդանշանը։ Այն ակտիվացնելու համար՝

1. Բացեք «Գտնել» հավելվածը iPhone-ում։
2. Էկրանի ներքևի հատվածում ընտրեք «Սարքեր» բաժինը։
3. Ցանկից ընտրեք ձեր Apple Watch-ը։
4. Սեղմեք «Նվագարկել ձայնը» կոճակը։

Apple Watch-ը կսկսի բարձր ձայն արձակել (եթե միացված է Bluetooth-ին կամ Wi-Fi-ին)։ Ձայնի ուժգնությունը աստիճանաբար կավելանա, իսկ ազդանշանը կհնչի մոտ երկու րոպե։ Այն դադարեցնելու համար ընտրեք համապատասխան տարբերակը iPhone-ի կամ Apple Watch-ի էկրանին։

Եթե ժամացույցը հեռու է կամ լիցքաթափվել է․ ինչ անել

Եթե սարքը կորել է տնից դուրս՝ օրինակ փողոցում, կամ արդեն լիցքաթափվել է, կարող եք տեսնել դրա վերջին գրանցված գտնվելու վայրը։ Բացեք «Գտնել» հավելվածը, անցեք «Սարքեր» բաժին և ընտրեք համապատասխան սարքը ցանկից․ կբացվի քարտեզ՝ նշված վայրով։

Եթե այդ վայրում սարքը չեք գտել, ակտիվացրեք «Ակտիվացման կողպեքը»։ Այդ դեպքում ոչ ոք չի կարող օգտագործել սարքը կամ այն կապել այլ Apple ID-ի հետ։

Ինչպես որոնել կորած ժամացույցը iPhone-ի օգնությամբ՝ առանց ինտերնետի

Եթե սարքը ինտերնետին միացված չէ, կարող եք տեսնել դրա վերջին գրանցված գտնվելու վայրը։ Series 6-ից սկսած և ավելի նոր մոդելներում ներկառուցված է հատուկ չիպ, որի շնորհիվ սարքը անջատվելուց հետո ևս մի քանի ժամ շարունակ Bluetooth ազդանշաններ է ուղարկում։

Մեկ այլ օգտակար հնարավորություն է «Ծանուցել, երբ հայտնաբերվի» գործառույթը։ Երբ ժամացույցը կրկին միանա ցանցին, iPhone-ում կստանաք ծանուցում։ Դրանից հետո կարող եք միացնել «Կորուստի ռեժիմը»։ Այդ դեպքում ժամացույցի էկրանին կհայտնվի հաղորդագրություն՝ ձեր հեռախոսահամարով կամ կապ հաստատելու այլ եղանակ նշելով։

Խորհուրդներ և հաճախակի սխալներ Apple Watch-ը գտնելիս

Անսպասելի իրավիճակներ կարող են առաջանալ ցանկացած ժամանակ, ուստի ցանկալի է նախապես նվազեցնել հնարավոր ռիսկերը և ակտիվացնել «Գտնել» ցանցի գործառույթը։

Պարբերաբար թարմացրեք watchOS-ը և iOS-ը։ Հետևեք մարտկոցի լիցքին և խուսափեք Bluetooth-ը անջատելուց՝ էներգիա խնայելու նպատակով։ Bluetooth LE տեխնոլոգիան էներգախնայող է և ապահովում է սարքերի կապը նվազագույն էներգիայի ծախսով։

Ինչպես արդյունավետ գտնել Apple Watch-ը iPhone-ի օգնությամբ

Մի քանի րոպե հատկացրեք iPhone-ում «Գտնել» հավելվածը կարգավորելուն։ Դրա միջոցով կարող եք հեշտությամբ գտնել սարքը տարբեր իրավիճակներում՝ լինի դա մարզման ժամանակ կորցրած, թե բարձի տակ մոռացված։

Եթե օգնության կարիք ունենաք, դիմեք iSpace-ի փորձագետներին՝ Apple Premium Reseller Հայաստանում։ Այստեղ կարող եք նաև շահավետ պայմաններով թարմացնել ձեր սարքերը կամ ձեռք բերել նորերը՝ Երևանի խանութներում կամ առցանց։ Առաքումը հասանելի է ամբողջ երկրի տարածքում։

Հաճախ տրվող հարցեր 

Հնարավո՞ր է գտնել անջատված Apple Watch-ը

Այո, բայց միայն այն սարքերի դեպքում, որոնք աջակցում են «Գտնել» ցանցի գործառույթին։ Այս հնարավորությունը առաջին անգամ ներդրվել է Series 6-ից սկսած մոդելներում։ Այժմ ազդանշան փոխանցող չիպը առկա է բոլոր արդիական մոդելներում։

Կկարողանա՞ iPhone-ը գտնել Apple Watch-ը առանց ինտերնետի

Եթե նախապես ակտիվացված և ճիշտ կարգավորված է «Գտնել» ցանցը, ապա iPhone-ը կկարողանա ցույց տալ սարքի վերջին գրանցված գտնվելու վայրը մինչև այն անջատվելը կամ լիցքաթափվելը։ Սա զգալիորեն մեծացնում է սարքը գտնելու հնարավորությունը։

Հնարավո՞ր է որոնել, եթե «Գտնել» հավելվածը կարգավորված չէ

Եթե գործառույթը նախապես ակտիվացված չէ, հնարավոր չէ հետևել սարքին կամ միացնել ձայնային ազդանշանը։ Խորհուրդ է տրվում անմիջապես փոխել Apple ID-ի և դրա հետ կապված ծառայությունների գաղտնաբառերը։

Կարո՞ղ է օգտագործվել ուրիշի Apple Watch-ը որոնման համար

Այո, եթե դուք գտնվում եք նույն «Ընտանեկան հասանելիություն» խմբում։ Այդ դեպքում «Գտնել» հավելվածում կտեսնեք այդ Apple ID-ներին կապված բոլոր սարքերը և կկարողանաք շարունակել որոնումը սովորական կարգով։

ԿԱՐԴԱՑԵՔ ՆԱև.

iPhone 17 Pro և iPhone 17 Pro Max համեմատություն. արդյո՞ք հավելյալ արժեքը արդարացված է

Ինչու է iPhone-ը համարվում բարձր լուսանկարահանման հնարավորություններով բջջային սարք և ինչով է նրա տեսախցիկը տարբերվում այլ սարքերից

Ինչպես գտնել իդեալական պատյանը և պաշտպանիչ ապակին iPhone-ի համար

Apple iOS 26․ վերջին թարմացման գլխավոր նորարարությունները

Ինչպես ընտրել iPhone-ը 2026 թվականին․ ուղեցույց